Selektor fudbalske reprezentacije Italije, Lučano Spaleti izdao je autobiografsku knjigu pod naslovom "Raj postoji, ali za koliko truda?".
Spaleti, jedan od najčuvenijih trenera u istoriji italijanskog fudbala, u knjizi je razotkrio mnoge skandale, a dio je posvetio Mauru Ikardiju i Vandi Nari.
Spaleti i Ikardi su sarađivali dvije godine, od 2017. do 2019. godine u Interu.
"Mauro je bio moj kapiten i ključni igrač Intera. Uvijek je bio 'predator' u šesnaestercu i gradili smo igru oko njega", započeo je Spaleti.
"Ali, imao je jednu slabost i ona je imala ime - Vanda. Ona je bila spremna da sruši cijelu grupu, a ja nisam mogao to da tolerišem. Bilo je nemoguće riješiti situaciju sa njom i sa njim. Nisam imao izbora, morao sam da mu oduzmem kapitensku traku i dam je Handanoviću", dodao je.
Mauro Ikardi je poslije toga otišao iz Intera u Pari Sen Žermen, gdje je ostao tri sezone. Trenutno je član Galatasaraja, a brak između njega i Vande je sve samo ne uzoran.
.webp)
.webp)
