Tenis bi uskoro mogao da doživi novu promjenu, ukoliko se inicijativa ostvari navijači će moći da uživaju u masters turnirima na travi.
Čelni čovjek ATP, Andrea Gaudenci smatra da bi trebalo promijeniti raspored turnira između Rolan Garosa i Vimbldona.
U tom periodu igraju se turniri na travi, koju teniseri vide kao idealnu pripremu za londonski grend slem, a nijedan od turnira nije veći od serije 500.
- Tri nedjelje između Rolan Garosa i Vimbldona postoje. Trava je jedina podloga na kojoj nema Masters 1.000 turnira, tako da između Rima i Kanade nemamo vrhunski sadržaj za navijače. Masters na travi bi imao smisla. Cilj nam je da imamo Masters na travi u budućnosti. Posebno je bitno imati ga za tržište u Njemačkoj koje je jako bitno, istakao je Gaudenci.
Sezona na travi traje samo pet nedjelja a podloga koju mnoge zemlje ni nemaju je najzahtjevnija za održavanje.
Tako bi se uslišila želja Rafaela Nadala koji je svojevremeno izrazio želju da igra više turnira na travnatoj podlozi.
.jpg)
