Pronađena je djevojčica Darija (13) iz Srbije koja je nestala jutros kod mjesta Lija na Malti.
Brat nestale djevojčice saopštio je na društvenoj mreži Fejsbuk da je djevojčica pronađena i zahvalio se svima koji su pomogli u njenom traženju.
"Hvala vam svima na pomoći, našli smo je", kratko je napisao on na svom profilu.
Inače, on je danas, u prijepodnevnim satima objavio da je djevojčica nestala i apelovao da ako neko ima informacije o njoj prijavi policiji na Malti.
"Moja sestra je nestala. Ime Darija, 13 godina, kontaktirajte policiju ako je vidite, molim vas", napisao je brat nestale djevojčice iz Srbije.
Kako je napisao, policija na Malti je odmah krenula u potragu za njom. Nije se svađala ni sa kim od porodice, a njeni prijatelji ne znaju ništa o tome šta se desilo, prenosi "Mondo".
