Šumski požari i dalje bjesne na grčkom ostrvu Evija potpomognuti jakim udarima vjetra i kreću se ka naseljenim mjestima odakle je evakuisano više od 2.000 ljudi.
Veliki broj požara zahvatio je Grčku u proteklih nekoliko dana usljed rekordno visoke temperature koja je dostigla i 45 stepeni Celziujusovih.
Na ostrvu Evija, dva požara uništila su više hiljada hektara zemljišta, veliki broj kuća i poslovnih prostora.
Veliki broj zemalja odgovorio je na poziv Grčke za pomoć, uključujući Francusku, Njemačku i Britaniju. Kasno sinoć premijer Kirjakos Micotakis izrazio je svoju zahvalnost zemljama koje su poslale pomoć.
Prema posljednjim podacima, požar u regionu Peloponeza je pod kontrolom dok je stihija u atinskom predgrađu Atika na sjeveru grčke prijestonice sada mnogo manjeg intenziteta.
- Situacija u Atiki je sada mnogo bolja ali strahujemo od ponovnog rasplamsavanja - rekao je direktor Civilne zaštite Nikos Hardalijas.
.webp)
.webp)
