Vrhovna rada Ukrajine registrovala je prijedlog zakona o zabrani Moskovske patrijaršije u Ukrajini.
Ukoliko prijedlog zakona bude usvojen, sva imovina Moskovske patrijaršije i njenog rukovodstva biće nacionalizovana u roku od 48 sati.
"Vjerske zajednice u roku od 14 dana mogu da promijene subordinaciju i tada im crkvena imovina ostaje. Kijevo-Pečerska, Počajevska i Svjatogorska lavra će postati vlasništvo države. Prilikom promjene potčinjavanja crkvenih opština Služba bezbjednosti Ukrajine će proučiti da li su sarađivale sa okupatorima. Odgovorni će odgovarati", navodi poslanica Ina Sovsun.
Sovsun je napomenula da je tokom proteklog mjeseca 28 crkvenih zajednica u različitim regionima Ukrajine prešlo iz Moskovske patrijaršije u Pravoslavnu crkvu Ukrajine.
"Pozivam i druge zajednice i manastire da slijede primjer i ujedine se oko Kijeva, a ne Moskve", napisala je ona.
.webp)
