Jaka solarna oluja upravo je na putu ka Zemlji, ali srećom najveći dio promašiće planetu, pa posljedice neće biti pretjerano ozbiljne.
Kako kažu stručnjaci, solarna oluja nije pogodila Zemlju nekoliko godina, ali dok dođe do zemlje, snaga će joj opasti na „potencijalno snažnu” oluju, prenosi Asošijeted pres.
Najveći dio oluje proćiće sjeverno od zemlje, iznad Sjevernog pola.
Solarna oluja neće da prouzrokuje kvarove ni nestanak struje, ali će se osjetiti smetnje u električnoj mreži, kao i u satelitskim i radio komunikacijama.
– Ove oluje se ne bojimo – rekao je Tom Berger, direktor Centra za svemirsku vremensku prognozu u Boulderu, Kolorado.
Oluja putuje brzinom od 4 miliona kilometara na sat, a do Zemlje bi trebalo da stigne sutra rano ujutru.
– Dogodila se gigantska magnetska eksplozija na Suncu. Zbog toga što se dogodila na dijelu Sunca okrenutom prema nama, zahvatiće nas oblak magnetske plazme koji može da poremeti Zemljinu magnetosferu, a što opet može dovesti od privremenih prekida u snabdijevanju električnom energijom i komunikacijama – rekao je Berger.
