Ilan Arauho najviše je ostao upamćen kao napadač Sošoa i Sent Etjena a uspio je da dogura i do reprezentacije Brazila.
Od prije pet godina Ilan (39) je u igračkoj penziji, a za francuski Lekip se prisjetio najbizarnije i najopasnije epizode iz svoje karijere.
"Nakon kratkih angažmana u Vest Hemu i Internacionalu u ljeto 2011. došao sam u Ajačio na dogovoreni potpis ugovora. Ali nedjelju dana se ništa nije događalo, da bi onda konačno po mene došao predsjednik kluba Alain Orsoni", priča Ilan i napominje kako su prava iznenađenja tek uslijedila.
"Pokupio me u blindiranom BMW-u i iako je bilo dogovoreno da odemo na ručak u tom primorskom gradu, primjetio sam da se penjemo u korzikanske planine. Kada sam pitao predsjednika zašto je došlo do promjene plana, objasnio mi je da je za njega previše opasno da ruča u Ajačiu. Tako smo došli do neke zabiti. Tamo sam ušao u sobu bez prozora, gde sam potpisao ugovor za Ajačio dok su iznad mene stajala dva naoružana Srbina."
Predsjednik Orsoni, koji je u ljeto 2008. u zadnji tren pobjegao ubicama, godinu dana kasnije uhapšen je pod sumnjom da je organizovao ubistvo bivšeg poslovnog partnera, a Ajačio se takmiči u drugoj ligi Francuske.
.webp)
