Učesnik jedne od prethodnih sezona muzičkog takmičenja veterana "Nikad nije kasno" i nekadašnji rukometaš Goran Stanković iz Skoplja izgubio je najvažniju bitku.
Veteran je iznenada preminuo u 51. godini, a brojni prijatelji kako iz muzičkog tako i iz svijeta sporta opraštaju se danima od njega, s obzirom da je makedonski rukomet njegovim odlaskom zavijen u crno.
Goran je u takmičenju "Nikad nije kasno" imao jedan od najemotivnijih nastupa u sezoni u kojoj je učestvovao, kada je sa svojom kćerkom izveo pjesmu "Jedini, jedina" nakon koje su se gotovo svi rasplakali.
Goran je imao sjajne nastupe pune emocija tokom čitavog takmičenja, a u jednom od njih ni voditeljka Dragana Katić nije odoljela a da ne zaigra sa njim na sceni nakon izvođenja hita "Ja bez tebe ne mogu da živim" od Halida Bešlića.
Preminuli nekadašnji rukometaš Goran Stanković iz Skoplja riješio je da u svojoj 45. godini okuša sreću u takmičenju pjevača veterana. On je odavno zamijenio loptu za mikrofon, ali nije uspio da ostvari uspješnu karijeru. Za sebe je govorio da se bavio svim i svačim i da samo pop nije bio, ali da je pjevanje njegova najveća ljubav.
Goran je dugi niz godina bio dio rukovodstva ekipe Junior Kisela Voda, a prije toga je bio i spiker utakmica Metalurga na Autokomandi i SC "Boris Trajkovski". Uz njegove legendrne komentare publika je uživala, a sportska dvorana se pretvarala u vulkan u kome su gorjele mnoge evropske ekipe.
Jedan od emotivnijih nastupa u šouu veterana imao je sa kćerkom, nakon čega je i ozbiljno briznuo u plač. Emocije nije krio ni kada je sišao sa scene.
