Kao mogući nasljednici Zaeva u vladi u javnosti se pominje nekoliko imena među kojima su ministar unutrašnjih poslova Oliver Spasovski, ministar zdravlja Venko Filipče i potpredsjednik vlade za ekonomska pitanja Fatmir Bitići.

Pobjeda Maksima Dimitrievskog, koji se kao nezavisni kandidat bio protivkandidat kandidatu SDSM u Kumanovu, smatra se porazom ne samo njegovog protivnika Olivera Ilievskog, već i Olivera Spasovskog, što mu znatno smanjuje šanse, piše skopska Večer.

Portal skopskog lista navodi i da poslije požara u kovid centru u Tetovu, u kome je izgorjelo 14 ljudi, rejting i kredibilitet ministra zdravlja Venka Filipčea je takođe naglo pao, što slabi njegovu poziciju mogućeg nasljednika Zaeva.

Izbor Bitićija, koji je dio najvišeg partijskog rukovodstva SDSM-a, odražao bi, kažu, multietničnost stranke, ali on nema dugo iskustvo i čvrste veze u partijskoj strukturi.

Kao posljednje moguće rješenje za premijersku poziciju poslije Zaeva, Večer navodi Sanju Lukarevsku i potpredsjednika vlade Ljupča Nikolovskog.

Stranka je, navode, bila zadovoljna poslom koji je Lukarevska, kao direktorka Uprave javnih prihoda, završila, ali je pitanje da li bi ona bila bolja za čelnu poziciju u vladi ili za premijersku poziciju.

Nikolovski je, dodaju, upravo dolaskom Zaeva na čelo SDSM-a, postigao najveći uspjeh u stranci, kada je postao šef kabineta i čovjek od velikog povjerenja, pa su mu, procjenjuje se, šanse sasvim solidne.