Vozač je potom izašao iz kamiona pa su ga demonstranti pretukli, rekao je Rojtersov svjedok.

Kako javlja CNN, Bogdan Većirko je vozač tankera i uhapšen je s optužbom za napad. Nije mu odobrena kaucija.

Većirko je završio u bolnici s manjim povredama nakon što su ga demonstranti izvukli iz kamiona.

Podsjetimo, danima već traju demonstranti širom SAD-a zbog brutalne smrti Afroamerikanca kojem je bijeli policajac koljenom prikliještio grlo.

A man drove a tanker truck toward thousands of protesters on a highway in Minneapolis on Sunday afternoon, coming to a stop only after members of the crowd desperately sprinted out of its path https://t.co/ON8LSJpGTe

— NYT National News (@NYTNational) June 1, 2020

Četvorica gradskih policajaca umiješana u incident, uključujući policajca koji je prikliještio Flojdov vrat dok je ležao na zemlji i jecao "molim vas, ne mogu disati", otpuštena su sljedeći dan.

Flojdov slučaj javnost je podsjetio na ubojstvo Erika Garnera, nenaoružana crnca u gradu Njujorku 2014., kojem je policajac zabranjenim zahvatom stisnuo grlo te ga se moglo čuti kako vapi: "Ne mogu disati."

Njegove riječi postale su poruka pokreta "Black Lives Matter" osnovanog u jeku policijskih ubistava Afroamerikanaca.

Brat žrtve, Filonis Flojd, rekao je CNN-u u četvrtak da je umoran od toga da "gleda kako crni čovjek umire". Rekao je da razumije bijes ljudi, no apelovao je na demonstrante da ostanu mirni.